Vigovisións comeza a súa andaina no marco da II Fotobienal de Vigo, no ano 1986, e ten lugar de xeito ininterrompido ata o ano 2000. Durante estes anos, fotógrafos de diferentes países e das máis diversas concepcións estéticas realizan o seu traballo na cidade de Vigo, durante aproximadamente dez días, con total liberdade para escoller tanto a dirección e o contido do traballo como para determinar a forma de concretalo.

O proxecto Vigovisións é organizado polo Concello de Vigo, producido e coordinado polo Centro de Estudos Fotográficos (CEF) e comisariado por Manuel Sendón e Xosé Luis Suárez Canal.