Este libro acompáñanos nunha viaxe a través
do tempo, relatándonos nunha serie de imaxes a historia da
fotografía comprendida nunha gran parte dos séculos
XIX e XX.
A nosa historia comeza en 1826, ano en que Niepce obén a primeira
imaxe fotográfica. Dende os primeiros traballos de claro carácter
documental (Talbot, Fenton, Gardner) o medio fotográfico evoluciona
na procura dun lugar propio no mundo da Arte.
Fronte aos tímidos primeiros pasos que representan os retratos
de Margaret Cameron, o pictorialismo de Steichen, o Naturalismo de
Emerson ou as singulares paisaxes das rúas de Atget, A entreponte
de Stieglitzt marcará o punto de inflexión na busca
dunha identidade propia da estética fotográfica, gracias
en gran parte, á democratización do medio.
A obxectividade dos retratos de Strand ou Sander, ou mesmo as liñas
máis experimentais abertas por Blossfeldt ou Moholy-Nagy, evidencian
o novo rumbo tomado. Feininger ou Ulessmann serían a posterior
confirmación.
A nosa viaxe prosegue co legado dos grandes mestres do século
XX: Cartier Bresson, Brassai, Capa ou Evans, ou incluso casos máis
próximos como o de Suárez, e remata cos traballos rupturistas
do segundo tercio do século pasado: Frank, Klein, Clark e Michaels.
Marcos Vilariño
